Undodez é...

foto_02
Unha produtora audiovisual que centra o seu traballo nos contidos. Nos contidos de calidade, pensados por guionistas e directores que non escatiman esforzos por entender o fondo de cada proxecto.

Estamos especializados no entretemento e na publicidade, na produción de pequenos formatos para televisión e internet, pero tamén no desenvolvemento de ideas relacionadas co mundo da publicidade e do marketing audiovisual.

O actor e humorista Xosé A. Touriñán funda esta produtora no ano 2012, co obxectivo de poñer en orde as centos de ideas froito da súa experiencia logo de máis dunha década traballando na televisión. Entendendo e facendo entender un bo número de formatos, para todo tipo de públicos, e pensados para diferentes plataformas.

Que como traballamos?

foto_01
Dentro de Undodez convive un experimentado equipo de desenvolvemento e de produción, que traballa sumando esforzos co o obxectivo último de crear produtos audiovisuais de entretemento e publicitarios.

O equipo de desenvolvemento imaxina, pensa e escribe. Bota ao aire centos de ideas cada día, que quedan logo plasmadas en guións, biblias e sinopses. Traballamos cos mellores e máis experimentados guionistas e directores do noso país, cunha visión ampla, pensando no percorrido de cada proxecto e as súas posibilidades.

En produción, e grazas a acordos de colaboración con outras produtoras, dámoslle forma ás ideas. Baixámolas ao terreo e poñémolas diante dunha cámara, cun micrófono diante, e un equipo de edición preparado para convertilas en historias que poidan quedar para a posteridade.

Contacto

Enrique Mariñas, 32G, 3ºA
15009 A Coruña
609840721
info@undodez.gal

>

Nothing found. Please enter correct address.