Catro Gatos é un formato de humor protagonizado por Xosé A. Touriñán, David Perdomo, Fátima Pego e Noemi Rodríguez. Os catro amigos reúnense nun bar no que falan da vida, das súas vivencias persoais e inquedanzas. Cada un deles recorda unha anécdota que dá paso aos sketchs, nos que os actores interpretan diferentes personaxes.

A comedia está presente en todo momento neste formato que mestura tertulia e sketchs cómicos e no que prima a espontaneidade de cada un dos participantes. Catro Gatos é unha produción de Tex45 producións para a Televisión de Galicia en colaboración con Undodez.