As series de animación producidas por Undodez foron recoñecidas no encontro de finalistas celebrado en Lugo. Bibopalula obtivo o Premio ABANCA ao impulso da sostibilidade e Pipo o Premio Deleite á promoción da lingua.
O primeiro día do novo curso escolar, Berta descubre no patio traseiro a Pipo, un extraterrestre que caeu do ceo. Berta decide acollelo no seu cuarto sen saber que Pipo é bastante diferente a ela: ruidoso, desordenado… E cun apetito desbocado que fai que coma practicamente calquera cousa. Pero ademais de moita fame, Pipo ten tamén outros moitos secretos.
Noticias relacionadas
Aínda non coñeces a ‘Pipo’?
A serie de animación infantil producida por Undodez concorre na categoría de Mellor serie web, reforzando a presenza da produtora nunha edición que confirma o bo momento do audiovisual galego.
‘Ao son da nova regueifa’, ‘Pipo’, ‘Bibopalula’ e ‘Bechos’, finalistas nos XXIV Premios Mestre Mateo
Sumamos sete candidaturas finalistas na vixésimo cuarta edición dos premios do audiovisual galego, con presenza nas categorías de documental, serie, serie web, música orixinal e anuncio publicitario.
Undodez presenta sete producións aos XXIV Premios Mestre Mateo
Participamos nesta edición dos Premios Mestre Mateo con proxectos candidatos nas categorías de documental, animación, serie, videoclip, e anuncio nun ano de récord para o audiovisual galego.



