Carlos Blanco e Xosé A. Touriñán levaron o seu espectáculo máis exitoso a un formato audiovisual orixinal e inédito en Galicia, para ser emitido a través da rede, coa compra previa dun acceso, nunha única data e hora, coma se dunha función teatral se tratara.

Máis de 10.000 espectadores seguiron este experimento, cun particular esquema de realización no que os actores, sen espectadores no patio de butacas, escolleron dirixirse ao público a través das cámaras.