As producións de Undodez suman catro candidaturas finalistas na XXI edición dos Premios Mestre Mateo que convoca a Academia Galega do Audiovisual. Os gañadores coñeceranse na gala de premios que terá lugar o 11 de marzo en Ourense
Xosé A. Touriñán en ‘Catro Gatos’. Foto: Aigi Boga
A Academia Galega do Audiovisual deu a coñecer as producións e profesionais finalistas nos XXI Premios Mestre Mateo. As nosos traballos tiveron unha boa acollida, colleitando 4 candidaturas para esta edición dos premios do audiovisual galego.
Catro Gatos, programa que producimos con Tex45 para a Televisión de Galicia opta ao galardón a Mellor Programa e Xosé A. Touriñán e Jairo Iglesias a Mellor Comunicador e Mellor Realizador respectivamente. Este programa de humor é un formato que mestura a tertulia humorística cos sketchs de comedia. David Perdomo, Fátima Pego e Noemi Rodríguez acompañan a Touriñán neste programa que foi proposto a Mellor Programa xunto a Cinephilia, Clac e Dígocho Eu!
Pola súa banda, A Quincena do Apóstol dos composteláns Boyanka Kostova, opta ao premio na categoría a Mellor Videoclip. Este traballo está dirixido por Toño Chouza quen tamén é coprodutor do traballo. Competirá polo premio cos traballos de Noa, A Banda da Loba e Tanxugueiras.
Vémonos o 11 de marzo en Ourense. Parabéns a todos os finalistas!