Traballamos na produción de contidos audiovisuais, en colaboración con axencias creativas, ou co noso propio equipo, en tres ámbitos temáticos e formais, da man de directores e realizadores galegos especializados en cada un deles. Aproveitamos a experiencia do noso equipo de produción en Galicia para dar resposta ás necesidades de empresas de aquí, pero tamén do resto do mundo.
Camiñamos por eles cómodos e seguros: a produción para publicidade de pequeno e grande formato, a creación de contidos de ficción para televisión ou para a rede, e o deseño de proxectos audiovisuais para a promoción de produtos culturais é do que máis facemos, e sobre o que máis coñecemos.
Somos coprodutores de exitosos proxectos de comedia en diferentes pantallas. Os últimos: Pequeñas Coincidencias (Amazon Prime Vídeo), e o filme Cuñados.
Aproveitamos esta época rara para deseñar novos formatos para seguir achegando ao público iso que todo o cura, o oficio de facer rir.
Un filme ou un espectáculo teatral, que cada quen decida! Carlos Blanco e Xosé A. Touriñán protagonizaron, en pleno confinamento no ano 2020, unha experiencia inédita en Galicia, dirixida polo realizador Jairo Iglesias.
Se os monólogos non poden ir aos teatros, levámolos ás casas dos espectadores a través das pantallas. Con R, a axencia quattro idcp e Ainé Producións deseñamos unha novidosa experiencia de comedia dirixida por Xosé A. Touriñán e Jairo Iglesias.