A protagonista de Nena vén de recibir o premio á mellor actriz menor de 30 anos na 25ª edición do festival de curtas ¡Cort… en!, que se celebra en Calahorra, na Rioxa. Este primeiro recoñecemento á xoven actriz súmase á longa listga de premios que Nena está colleitando desde a súa estrea.
O premio foi entregado nunha gala celebrada no Teatro Ideal de Calahorra conducida pola actriz María José Garrido. O xurado recoñeceu o labor de Antía Touriñán no papel protagonista de Nena, unha curta que xira ao redor dos afectos e as responsabilidades que recaen sobre unha rapaciña nova que vive nun mundo de homes.
O festival rioxano recoñeceu tamén as curtametraxes París 70 e Tumbas vecinas cos premios a mellor curtametraxe e o premio do público respectivamente.