A marca galega revoluciona o mercado cun produto único en España. A campaña de lanzamento de Deleite A2A2 conta con dous anuncios producidos por Undodez.
Deleite apostou por un produto completamente novo no noso mercado, o leite A2A2. Trátase dun leite producido por vacas que, pola súa xenética natural, non teñen a proteína beta-caseína A1 causante de boa parte dos problemas dixestivos relacionados co consumo de leite. É un leite natural, non enriquecido ou funcional, é dicir, non responden a un proceso tecnolóxico. Para producila, seleccionan as vacas que, de xeito natural, non posúen a mutación xenética que incorpora a A1 ao leite.
Deste xeito, Deleite posiciónase como a única marca que produce e distribúe este tipo de leite no mercado español. A aposta polo leite A2A2 é total, deixando de producir leite que non cumpra con estes parámetros. Esta aposta resúmea o lema da campaña: O mellor leite posible.
Para esta campaña de lanzamento, Undodez produciu dous anuncios: Volver a empezar e Deleite A2A2, o mellor leite posible. Neste último, Xosé A. Touriñán e Antía Touriñán participan na narración e a parte de imaxe real dun traballo con animacións de Laura Mahía e guión de Andrés Mahía.