O realizador compostelán obtivo o galardón que entrega a Academia Galega do Audiovisual por Origen, un programa documental producido por RTVE e Interpool Media no que Undodez colaborou en labores de produción.
O 19 de marzo, celebrouse a XX edición dos premios Mestre Mateo que cada ano premian ás mellores producións e profesionais galegas do ano. Nun ano especial co motivo do 20 aniversario dos premios, a Academia Galega do Audiovisual renovou o formato da gala, que foi retransmitida en directo pola Televisión de Galicia.
Jairo Iglesias competía na categoría a Mellor Realización con Gerardo Rodríguez (Malicia Noticias), José Villaverde (Land Rober Tunai Show) e Marcos Estebo e Diego Guerrero (Cos Pés na Terra). A súa candidatura foi a única finalista por parte de Origen, resultando finalemente gañadora.
Origen é un programa documental que fai unha achega á gastronomía española a través dos seus produtos estrela. Cun coidado tratamento visual e a participación de referentes da cociña e produtores e comercializadores locais, Origen tivo unha boa acollida nesta primeira temporada en La 2. O programa é un proxecto de Interpool Media para RTVE no que Undodez colaborou na produción.