Escrita e dirixida por Xosé A. Touriñán é unha das seis curtametraxes apoidas pola Agadic.
Nena, primeira curtametraxe de ficción producida por Undodez, foi seleccionada xunto con outros vinte e un proxectos dentro da liña de axudas da Agadic. A axencia, dependente da Xunta de Galicia, publicou a resolución das axudas á produción e coprodución de obras de interese cultural galego. Touriñán e Jairo Iglesias serán os encargados de dirixir esta curtametraxe escrita polo actor cullerdense en colaboración con José L. Prieto. A historia, ambientada no rural galego, indaga dende o humor negro no dó e no sentimento de perda polos seres queridos. O proxecto atópase en fase de desenvolvemento e contará coa participación do propio Touriñán como actor.