O FIC Andaina seleccionou Nena, a curtametraxe producida por Undodez e Mordisco Films e creada por Xosé A. Touriñán, entre unha das mellores da décimoterceira edición do festival. O filme que protagonizan Antía Touriñán, Carlos Blanco, David Perdomo e o propio Touriñán participa no primeiro bloque da sección oficial xunto con obras como La Casa de la abuela, Tito ou Aigua salina.
O 26 de abril a partir das 19.30 proxectaranse as catro curtas en Moaña, subsede do festival, dedicado a visibilizar e sensibilizar sobre a diversidade funcional.
Nena suma máis de cincuenta seleccións
A curtametraxe dirixida por Touriñán e Jairo Iglesias suma coas últimas seleccións coñecidas máis de cincuenta desde a súa estrea hai menos de dous anos, ademais de preto de vinte premios.
Nena achega unha realidade social e cultural coa que conviven moitas familias. Afonda na perpetuación dos roles de xénero na esfera privada, e fala sobre as consecuencias de eludir responsabilidades e sobre o valor do compromiso.