Xosé A. Touriñán protagoniza a nova campaña de Viña Costeira para apoiar á hostalería no momento da reapertura logo de case tres meses coas portas pechadas.
Unha serie de tres pezas gravadas na taberna Pepe Payá, en Santiago de Compostela, no mes de xuño de 2020, na que Touriñán interpreta a un hostaleiro que prepara o seu local para o momento de recibir de novo aos seus clientes.
Os vídeos acadaron unha sensacional repercusión nas redes sociais tanto de Viña Costeira como do propio Touriñán, en especial entre o sector da restauración e a hostalería, que entendeu e agradeceu o xesto da marca e do propio Touriñán.
