Añobres é unha homenaxe a Delfina de Añobres, unha muller cuxas coplas foron recollidas por Dorothé Schubarth en 1979 para o Cancioneiro Galego de Tradición Oral. O videoclip foi rodado na casa natal de Delfina, en Añobres (Muxía), e conta coa participación dos seus familiares e dos membros de Alana: Antía Vázquez, Eloy Vidal e Pablo Castro.
Alana é un proxecto musical que fusiona a música tradicional galega con ritmos electrónicos e pop, recuperando a esencia das recollidas para darlles unha nova vida sonora. A súa proposta destaca pola innovación sen perder a conexión co legado cultural galego.
O videoclip, producido por Undodez, é o terceiro da formación, e xa está dispoñible na súa canle de YouTube.