Viña Costeira retoma a súa campaña de apoio á hostalería cunha nova peza protagonizada por Touriñán, gravada no restaurante Samaná Coruña, e dirixida por Jairo Iglesias, co guión de José L. Prieto e a música orixinal de David Quinzán.
O obxectivo da cooperativa do Ribeiro é dobre nesta ocasión: dunha banda, insistir no seu apoio a un dos sectores máis castigados pola crise sanitaria, e doutra, lanzar un dos seus produtos menos coñecidos polo público, o tinto mencía, etiquetado desta volta coa imaxe da campaña Amor de Bares.