Lola, Porco & Paco

Unha comedia para adultos que pretende observar a sociedade actual cunha mirada transgresora, orixinal e crítica. Paco ten case trinta anos e non sabe que facer da súa vida. Lola é a súa ex parella e agora amiga, unha muller ambiciosa, intelixente e pouco comprensiva coa xente que xoga a videoxogos durante dez horas seguidas. Porco, o mellor amigo e compañeiro de Paco, é un porco. Un porco que fala, que anima a Paco a ligar, que fuma, que bebe e que tamén xoga á consola durante horas. Pero un porco.