Desde a súa estrea, ‘Nena‘ non parou de participar en festivais por todo o mundo e gañar premios. A curta dirixida por Xosé A. Touriñán e Jairo Iglesias estreouse oficialmente o pasado mes de agosto no marco do festival Castelo Conta, pero o seu percorrido polo circuíto de festivais comezou case co inicio deste 2023 que xa remata.
Agora, a curtametraxe poderá verse en seis municipios da provincia de Lugo nunhas sesións especiais organizadas pola Deputación de Lugo e Mordisco Films. Xunto con ‘Nena‘, o público poderá ver ‘A Rabia’, curtametraxe dirixida por Alberto Díaz e que conta coa participación de Xosé A. Touriñán.
- 26 de decembro · Quiroga · Auditorio da Casa da Cultura
- 27 de decembro · Barreiros · Centro Social de San Cosme
- 28 de decembro · Valadouro · Casa da Cultura
- 28 de decembro · Sarria · Sociedade La Unión
- 29 de decembro · Taboada · Salón de Actos do Cuartel Vello
- 30 de decembro · Pantón · Local Social San Fiz de Cangas
O acceso a todas as sesións é libre ata completar a capacidade dos recintos.