Xeosónica é un proxecto transmedia que fai unha exploración do son desde un punto de vista artístico. Configurado como un puzzle multimedia con múltiples pezas: paisaxes sonoras, pílulas informativas, intervencións artísticas, creacións sonoras e unha curtametraxe na que o son é o protagonista absoluto. Un enfoque experimental e lúdico que nos leva a unha viaxe dende a natureza á humanidade.
Todos os contidos están dispoñibles na plataforma xeosonica.gal para o seu acceso libre. Xeosónica é un proxecto de Undodez que contou coa subvención do Ministerio de Cultura e Deporte dentro do seu programa de axuda ao Sector do Videoxogo e a Creación Dixital.
