O paso pola última edición do Festival Internacional de Cine de Comedia de Cuenca non puido ir mellor para ‘Amigos hasta la muerte’. O filme dirixido por Javier Veiga obtivo catro premios nunha gala celebrada o sábado 18 no Teatro Auditorio José Luis Perales da capital conquense.
Nesta segunda edición do certame, Javier Veiga obtivo o premio a Mellor Dirección e a Mellor Actor, Xoel López o premio a Mellor Canción Orixinal por Eco, e Javi Lopa o premio a Mellor Dirección de Produción. Javier Veiga e Marta Hazas foron os encargados de recoller os premios en nome do equipo.
O filme, foi un gran éxito no seu lanzamento en plataformas en América Latina e en toda España, despois de ser presentada oficialmente no pasado Festival de Málaga e obter varios premios en Tudela, Alacante ou Santander.